『你邊度嚟話？香港呀係咪？你話香港人救德國火好正吖嘛！歡迎你成爲奧芬堡第一個香港人消防員！』負責培訓嘅其中一個指揮官，喺頒張證書畀我嘅時候咁講…
經過兩個禮拜嘅密集式洗禮，Feuerwehrmann『消防員』身份正式入手！筆試，實習試九成得分畢業，超額完成。
成個培訓，真係學到好多嘢。雖然辛苦，但都好值得！做消防員，最難嘅，唔係要知道幾多有關救火救人嘅知識（其實呢部分真係好簡單，雖然話全部筆記同上堂都係德文，但係内容真係唔深），而係一隊消防隊，喺救人分秒必爭嘅壓力之下，點樣可以一齊合作（尤其係我呢個香港人，可能有同德國人唔同嘅思維模式）！
畢業之後，每個人都會收到一部Melder，即係『警報傳呼機』，必須要時時刻刻隨身帶住（其實都視乎分配到嘅時間嘅），每當有事故發生嘅時候，傳呼機都會響起，呢個時候就要盡可能全速飛返去消防局，換上裝備出車！
其實我覺得呢個責任真係好大...不過好開心真係可以達到『香港人救德國火』呢個搞笑嘅設定，又完咗自己細個嘅半個夢想，其實都幾正！
說到尾，呢個基本培訓，都衹不過係消防員BB班，年尾會繼續上烟帽隊培訓，可以真正深入火場😆你話正唔正先！
延伸閱讀：
此為石賈墨之原創文章，轉載前請事先徵求授權並註明出處 www.stegermatt.de
想緊貼我嘅最新動態？即刻Follow我嘅Facebook同Instagram！
想知多啲有關課程嘅資料？即刻Click入嚟呢到睇下啦！
歡迎隨時聯絡我了解更多
WhatsApp: +4917695274920
Signal: +4917695274920
Telegram: @Stegermatt
Write a comment