//他說："中國仍是世界上最大的發展中國家，我們的人均國民收入、人類發展指數以及科技教育水準與美國還有很大差距。"//
今日食飯嘅時候睇新聞，睇到呢度，我真係噴咗出嚟！
厲害了，我的（發展中）國！
相關文章： https://p.dw.com/p/3QDKy
德國人，唔認為中國係洪水猛獸，我自己都唔覺得妖魔化中國，會有咩實際嘅意義。
但係，認屎認屁嘅時候就講咩世界強國，超英趕美，要攞錢嚟洗，就話自己係發展中國家。就算你唔係邪惡，都一定係無恥。
尤其係今日新聞講北京新機場，真係好諷刺...依家德國媒體極恨BER興建進度，中國人四年就起好個超大型機場，幾多德國人話中國幾威威。
係呀，梗係威啦！話自己係發展中國家，呢頭科完UN啲水，科埋德國年年進貢嘅五十四億港幣職業培訓援助，嗰頭就起高鐵，起機場，起港豬澳。我諗起我有一個朋友，成日話窮，問我借錢周轉，次次講到我唔借佢就要訓街咁，結果呢頭借完俾佢，嗰頭見到佢去日本吃喝玩樂的相喺Facebook源源不絕咁彈出。
我心諗，邊個會咁蠢，仲會借錢俾佢？呀頂你個肺，我有其他朋友又真係咁天真，繼續借。呢個世界，天真嘅人實在太多。
我建議外交部下次不如講清楚啲，唔單只人均國民收入，人類發展指數，科技教育水平同美國有好大差距，重要講埋民主化程度都有好大差距呀！
延伸閱讀：
此為石賈墨之原創文章，轉載前請事先徵求授權並註明出處 www.stegermatt.de
有嘢想講？可以喺下面留低你嘅意見。
歡迎隨時聯絡我了解更多
WhatsApp: +4917695274920
Signal: +4917695274920
Telegram: @Stegermatt
Write a comment