時事議題 · 01.10.2019
今日中共建國七十週年，唔好意思，我自己唔認為有啲咩值得慶祝。
正常香港人，都唔會有心情過呢一日。
早前G20團隊以『十一國慶，賀佢老母』為題，再次推出眾籌，毫無懸念，又再成功達標。雖然眾籌嘅時候以『賀佢老母』做賣點，但係大家都知道，G20團隊同每個有份參與登報嘅朋友，都好清楚眾籌得嚟嘅資金，係來自每一個熱心支持呢個運動嘅香港人，每一分每一毫，我地都唔會浪費。雖然真係好想賀佢老母，但係我地真係要考慮清楚，到底呢一筆錢，點樣可以發揮到最大嘅功效。
時事議題 · 27.09.2019
本來已經好攰，我想喺28號之前，再做幾樣嘢，推波助瀾。
但係今日唔寫完呢一篇文，我都好難瞓得著。
因為登報同訪問，我同好多德國嘅報館，媒體，都叫做有少少聯絡。今日同一個報館嘅朋友傾緊登報呢樣嘢嘅時候，佢同我講：唔單只FAZ呀，依家商報都玩埋呀。重要係北京自己落場！
時事議題 · 06.09.2019
我本來唔信，睇到有人話FAZ都有賣政府份廣告之後，我放飯即刻想衝去買份嚟睇。搵咗三間油站都搵唔到。最後我買咗Tagespass嚟睇...
見到份廣告之後，我唔知好嬲定好笑。
我唔知香港政府係咪真係蠢到咁嘅地步，政府入面決定要全球登廣告嘅人，個腦真係裝咗屎，仲要係滿溢到我自己都覺得慘不忍睹嘅程度。點解我咁講？
時事議題 · 20.08.2019
奇跡，喺六月二十七日嘅《南德意志報》上面，發生過一次。
今日，即係八月十九日，《法蘭克福匯報》政治版首頁，再一次出現一封由香港人發出嘅公開信。*
標題係：
Hongkong fällt. Der letzte Kampf für die Freiheit.
『香港正在淪陷 自由最後一戰』
時事議題 · 03.07.2019
高志森導演你好！
經朋友轉告，得悉高導演你於Facebook轉載了一篇由『北京前新華社的朋友』發來的文章，內容涉及港人在德國登報的事宜。本人讀後，希望能表達拙見，並作出澄清。
在德生活 · 29.06.2019
為咗達成喺德國登報嘅呢個目標，所有有份參與嘅人，都已經身心俱疲…我本來講話要俾其他人接力，爭取返啲時間休息，陪屋企人同照顧返我自己個眾籌最後幾日嘅安排… 下個星期二，香港嗰邊打算整返一個展覽，俾喺香港嘅朋友睇返世界各地嘅報章廣告。呢一個由一班香港人創造出嚟嘅奇跡，真係要用心紀錄落嚟。
咁搞展覽，前提當然要有世界各地嘅報紙啦…
時事議題 · 27.06.2019
今日，被譽為德國最有影響力嘅報紙南德意志報（Süddeutsche Zeitung，下稱SZ），政治版嘅第一頁（即係頭版第五頁），將會有一頁由香港人寫嘅公開信，搶先同德國所有讀者，講出香港人對逃犯條例嘅擔憂。
呢樣嘢，無人做過。做得成，的確係創造歷史。